Nënkryetari i LSI-së Petrit Vasili ka reaguar ashpër lidhur me refuzimin që anëtarët e Partisë Socialiste në Komisionin Qendror të Zgjedhjeve i bënë kërkesës së paraqitur nga kryetari i këtij komisioni, Klement Zguri për hapjen e kutive të votimeve monopartiake të 30 qershorit.
Përmes një reagimi në faqen e tij zyrtare në rrjetin social “Facebook”, Vasili publikon dhe pamjet e deklaratave që vetë kryeministri aktual Edi Rama bënte nga foltorja e PS-së duke kërkuar hapjen e kutive të votimit të zgjedhjeve parlamentare të vitit 2009.
Në reagimin e tij, Vasili shprehet se është e neveritshme të dëgjosh sot se çfarë thoshte dje ky dënglaxhi kryeministër.
Reagimi i plotë i Petrit Vasilit
Kryeministri dje dhe sot, çfarë pështirosje.
Rilindasit e KQZ qëndrojnë me heroizëm dhe rrëzojnë kërkesën e Kryetarit të KQZ-së Klement Zguri për hapjen e kutive.
Shiheni vetë çfarë thoshte Edi Rama për hapjen kutive në 2009.
Priteni kur të thotë që nuk është ai, se nuk e ka fare problem ky që të gënjejë pa u skuqur.
Çfarë neverie të dëgjosh sot se çfarë thoshte dje ky dënglaxhi kryeministër. (VIDEO).
