Geri Q. Kokalari/ Pazaret Berisha-Meta mbrojnë Don Fullanin nga skandali

168

Kokalari: Fullani arrogant e joprofesionist. Gjykimi (pafajësi) e Metës për korrupsion nga gruaja e Fullanit, pazari me Berishën për mandatin e dytë në Bankë. Dy këshilla: Berisha e Basha të mbyllin gojën, Rama të dënojë korrupsionin nga koka, jo me fjalë!

Skandali i fundit që përfshiu Ardian Fullanin, Guvernatorin e Bankës së Shqipërisë (BSH) dhe vjedhja e miliona dollarëve nga fondet bankare nuk më befasoi aspak. Ishte më surprizë fakti që, kur një person i tillë u caktua në një pozicion aq të rëndësishëm për ekonominë e Shqipërisë.  Eksperienca ime me Fullanin ishte gjatë takimeve të mira me Bankën e Shqipërisë në vitin 1996. Nga lidhjet e shkurtra me ‘të, përshtypja ime e qëndrueshme e kësaj krijese ishte se, unë kisha hasur një arrogant, pompoz, ngjitës dhe dukshëm në nivelin më të lartë joprofesionist. Në atë kohë, unë i kisha bërë atij një sugjerim në lidhje me menaxhimin e rezervave të Bankës së Shqipërisë, të cilat ishin vendosur në Bankën për Rregullimet Ndërkombëtare në Zvicër. Fatkeqësisht, për shkak të arrogancës dhe injorancës së tij, Fullani e injoroi këshillën time duke i kushtuar Bankës së Shqipërisë miliona dollarë. Kështu, sinqerisht, unë nuk mendoj se, vjedhja e raportuar së fundi e disa milionë dollarëve është krimi më i madh i kryer në Bankën e Shqipërisë. Por, unë shpresoj se ajo do të përdoret si një katalizator për ta detyruar atë të japë dorëheqjen e këtij thesi të fryrë me erë dhe të nisin investigimet në Bankën e Shqipërisë dhe komplet sistemit bankar shqiptar, i cili është bërë diçka më shumë se një koleksioni i një makine pastrimi. Në opinionin tim, krimi më i madh i Bankës së Shqipërisë u krye kur Sali Berisha, Ilir Meta, Fullani dhe gruaja e tij, e cila shërbeu si gjykatësja kryesore në gjyqin e Metës për korrupsion, ishte komploti për të riemëruar Fullanin si Guvernatorin e Bankës së Shqipërisë, si një kundërpeshë për lirimin e Metës nga akuzat për ryshfet. Kështu që, unë kam dy sugjerime. Së pari, Berisha e Basha duhet të mbyllin gojët e tyre në lidhje me akuzat për korrupsion, pasi ky është rasti klasik i “tenxheres që thërret kapakun e zi”, të cilët janë dhe autorët e aktit më të madh të korrupsionit që Shqipëria ka parë. Së dyti, Rama duhet ta përdorë krizën e Bankës së Shqipërisë për të filluar luftën kundër korrupsionit që ai premtoi gjatë fushatës së tij elektorale dhe ai duhet të emërojë menjëherë një hetues special, për të iniciuar një hetim agresiv ndaj të gjithë akteve kriminale të kryera nga anëtarët e regjimit Berisha, edhe nëse kjo arrin anëtarët e koalicionit të tij qeverisës…. (Më tej Geri Kokalari në lidhje me koncesionet, privatizimet dhe korrupsionin gjatë këtij procesi, tregon faktet se përse duhet filluar hetimi për privatizimet e dyshimta në naftë dhe Albpetrol)… Kontratat,  garancitë bankare dhe të gjitha proceset duhet të çohen para drejtësisë pasi gjithçka është bërë me mbështetjen dhe bekimin e qeverisë “Berisha” dhe qeveritarëve përkatës. Të hetohen garancitë fantazma, të cilat ishin për qëllime mashtrimi dhe elektorale. Ndaj Kryesocialisti Edi Rama tani Kryeministër duhet përfundimisht t’iu japë shqiptarëve atë për të cilën ata e votuan, më 23 qershor 2013: Mashtrimi bankar i tanishëm ka zanafillën edhe më herët prandaj nga Rama duhet me pak fjalë dhe më shumë veprim!

Kush është Geri Kokalari

 Gary Q. Kokalari është themelues i “Shqiptarëve për një Shqipëri Demokratike”, një grup avokatie i formuar për të promovuar institucionet demokratike në Shqipëri. Ai ishte themelues, arkëtar dhe drejtor i Këshillit Kombëtar Shqiptaro-Amerikan, ndërsa ka themeluar zyrën e parë lobuese për shqiptarët në Uashington. Z. Kokalari ishte gjithashtu, një themelues dhe drejtor i Fondacionit Ndihmës Shqiptar, i cili ka zyra në Nju Jork dhe në Tiranë dhe ka ofruar mbi 10 milionë dollarë ndihmë humanitare në Shqipëri. Ai shërbeu si drejtor i Fondit Ndihmës të Kosovës dhe ndër projektet që ai organizoi ishte një transport ajror i ndihmave humanitare, të dhuruara nga Qyteti i Nju Jorkut kur drejtohej nga Kryebashkiaku Xhuliani, që zoti Kokalari ua shpërndau kosovarëve në kampet maqedonase të refugjatëve gjatë luftës së vitit 1999. Me kërkesë të Ambasadës Amerikane në Tiranë, ai siguroi fonde për një ekip pune për heqjen e minave në kufirin midis Shqipërisë dhe Kosovës. Aktivizimi i tij ka pasur ndikim të rëndësishëm në sektorët ekonomikë dhe politikë të Shqipërisë. Z. Kokalari ka botuar artikuj të shumtë për Shqipërinë dhe krizën e Kosovës, ndërsa është shfaqur në programet televizive kombëtare në SHBA për të diskutuar çështjet shqiptare. Në vitin 1998, ai filloi një seri takimesh të mbyllura ndërmjet udhëheqësve të komunitetit amerikano-shqiptar dhe ambasadori Riçard Hollbruk, i cili në atë kohë ka shërbyer si njeri i Presidentit Klinton i caktuar për krizën e Kosovës. Familja e zotit Kokalari ka qenë aktive në çështjet e komunitetit shqiptar amerikan për mbi 100 vjet. Babai i tij, Leonard Kokalari, emigroi nga Gjirokastra, Shqipëri, si një djalë i ri. Ai shërbeu në Korpusin Ajror të Ushtrisë së SHBA-ve gjatë Luftës së Dytë Botërore dhe ishte një udhëheqës aktiv i Komunitetit Shqiptaro-Amerikan. Ai ishte President i Qendrës Shqiptare të Nju Jorkut, një nga organizatat më të vjetra shqiptaro-amerikane dhe një udhëheqës i Vatrës. Drita Kokalari, nëna e Gary-t, ka lindur në SHBA dhe shërbeu si Presidente e Qendrës Shqiptare derisa vdiq në prill 2013. Babai i Dritës, Sam Pashun, i cili ishte me origjinë nga Nivica, ishte një President i Federatës Pan-shqiptare Vatra dhe themelues i Qendrës Shqiptare. Profesionalisht, z.Kokalari është një këshilltar financiar për një Manhaçan-të bazuar në kompani financiare globale të shërbimeve. Ai mban një MBA në Financë nga shkolla “Wharton” të Universitetit të Pensilvanisë dhe një BS në administrim biznesi nga Universiteti i Bostonit.