Prej disa minutash kryeopozitari Lulzim Basha flet live përmes Facebook-ut, ndërsa kryeparlamentari Gramoz Ruçi e ka ndërprerë seancën për herë të dytë.
Kryeministri Rama nuk ndodhet në Kuvend, por në momentin kur demokratët hapën banderolën me mbishkrimin “Shqipëria si gjithë Europa. Jo qeverisë së krimit dhe drogës”, ai është parë të vërë duart në kokë.
Në fotot e siguruara nga LSA-ja, Rama shfaqet i habitur, vë duart në kokë e më pas bisedon me ministrin Bushati.
Pak minuta më vonë, asnjëri prej të dyve nuk dukej më në Kuvend. Aty qëndronin të qeta tre ministret Mirela Kumbaro, Lindita Nikolla dhe Olta Xhaçka, të cilat bisedonin pa u shqetësuar nga fjalët e Lulzim Bashës.