Gazeta Telegraf/
Më 30 shtator
2016 u mblodh “Forumi Civil 2010” për të sensibilizuar gjithë opinion mbi
rëndësinë e Reformës Zgjedhore. Në këtë takim, përveç anëtarëve të këtij
forumi morën pjesë
edhe ish-Presidenti i Republikës,
Z. Bamir Topi, Kryetarja në
detyrë e KQZ, përfaqësues të partive politike nga maxhoranca dhe opozita
parlamentare, si edhe pjesëmarrës të
disa segmenteve të shoqërisë civile dhe përfaqësues nga trupi diplomatik i
akredituar në Tiranë. Siç u shpreh në
fjalën e hapjes drejtuesi i Forumit Civil 2010 dhe ish-Presidenti i Republikës,
Z. Alfred Moisiu,
ndonëse Komisioni Parlamentar i reformës zgjedhore është krijuar prej
kohësh, ky organ ad-hoc i Kuvendit
deri tani ka qenë pothuajse inekzistent.
Koha është shumë e shkurtër deri në zhvillimin e zgjedhjeve të ardhshme
parlamentare 2017, prandaj të gjithë pjesëmarrësit ishin të mendimit që në këto
zgjedhje nuk duhet të përsëriten defektet e praktikave të kaluara. Në
këto situata, megjithëse nga Kuvendi sigurohet se ndryshimet dhe shtesat
në Kodin Zgjedhor do të
kryhen e
miratohen në fund të këtij
viti, përsëri bëhet
i domosdoshëm shpejtimi i ritmeve
për t’u bërë në kohë amendimet e duhura dhe për ta kthyer këtë proces jonë
monopol të politikës, por në gjithëpërfshirës. Është fakt i pamohueshëm që për
një reformë me anën e së cilës pretendohet të garantohen plotësisht zgjedhje të
lira dhe të ndershme, sipas rekomandimeve të OSBE-ODIHR dhe në përgjithësi të
standardeve demokratike, të interesuar janë të gjithë zgjedhësit.