Fjala e fundit për Akademinë e Shkencave, Rama: S’mund të lëmë një nëndetëse të kalbet në rërë

467
Kryeministri Edi Rama ka thënë sot fjalën e fundit për Akademinë e Shkencave gjatë mbledhjes së grupit parlamentar të Partisë Socialiste.
Më herët kryeministri para zhvillimit të zgjedhjeve në Akademi në mbledhjen e qeverisë mbajtur ditën e premten vendosi t’i heqë fondin insitucionit.
Në fakt në projekbuxhetin e 2018, qeveria parashikoi një fond prej 110.5 milionë lekë, por hoqi dorë nga ky buxhet duke ia transferuar Ministrisë së Arsimit.
Kreu i qeverisë e krahasoi Akademinë me një “nëndetëse të kalbur që rri në rërë” dhe premtoi nuk do të shpenzohet më për rroga që merren kot, por se do të investohet për një bibliotekë shkencore ku mund të bëhen kërkime shkencore si dhe të mësohet gjuha angleze falas për të gjithë studentët.
“Qendra e studimeve albonologjike do vazhdojnë të mbështeten. Akademia sovjetike e shkencave duhet të hyjë në një proces refome jo të diktuar nga shteti. Por paratë e shpenzuar kot për të tundur flamurin sovjetik, edhe 27 vite pas rënies së komunimzmit, do të shkojnë për kërkimin shkencor në universitet. Mbas 27 vitesh do të ketë biblioteka shkencore në universitete duke garantuar me një fond mbi gjysmë milioni dollarë, regjistrimin e universiteteve në të gjithë rrjetin e botimeve për materialet shkencore të aksesueshëm nga çdo student, po ashtu edhe kurse anglishte falas në biblioteka për të mësuar gjuhën e huaj. Këto dy gjëra me të cilat financimi është i mundur duke shpenzuar rroga të kota, e kalojmë fondin nga financimi i qëndrimit në këmbë kot të një akademie. Duhet të mbështesim këdo që bën kërkime shkencore, dhe jo një nëndetëse që kalbet në rërë,” tha Kryeministri.
Nga raporti i publikuar rezulton se në vitin 2016 ASH ka marrë nga buxheti i shtetit 96 milionë lekë të reja dhe zero të ardhura nga projekte apo subvencione. Nga të cilët 94 milionë janë shpenzime korrente, paga, dhe vetëm 2 milionë lekë të reja investime.
Sigal