Ministri i Bujqësisë, Edmond Panariti siguroi fermerët se ata që ndodhen në vështirësi për të shlyer kreditë e marra, qeveria shqiptare do i ndihmojë nëpërmjet ristrukturimit të tyre ose edhe amnistisë.
Panariti: Qeveria shqiptare, Ministria e Bujqësisë po punon me vullnetin e mirë në mënyrë që disa financime që janë bërë nëpërmjet grandit japonez, por që qeveria shqiptare e asaj kohe i përdori si kredi, çoi që fermerët të mos ishin konkurrues, pavarësisht se shumë prej tyre kanë arritur të shlyejnë mbi gjysmën e kredisë ndodhen në vështirësi. Qoftë nëpërmjet ristrukturimit të kredive, qoftë nëpërmjet amnistisë, ne t’i kthejmë ata në cikël prodhues. Ky është qëllimi. Jo t’u sekuestrojmë investimet e tyre, por t’i fusim përsëri në cikël prodhimi.
Abuzuesit e çmimeve janë një shqetësim për fermerët dhe për këtë ministria e Bujqësisë po punon për të sjellë për herë të parë në treg listën me çmimet e përcaktuara.
