Banka Europiane për Zhvillim dhe Rindërtim tregon se
korrupsioni vazhdon të mbetet sfidë në Evropën Juglindore. Shqiptarët deklarojnë,
se pagesa nën dorë ose dhurata në 12 muajt e fundit në pothuajse të gjitha
shërbimet publike, të cilat mbuloheshin nga pyetjet e anketës. Ndërsa për sa i
përket pyetjes në lidhje më mënyrat për të luftuar korrupsionin, 25% e
shqiptarëve të pyetur kanë dhënë si zgjidhje raportimin në momentin që hasin me
të, 21% e tyre kanë thënë se njerëzit e thjeshtë nuk mund ta zgjidhin
korrupsionin dhe 40%, japin si alternativë refuzimin për të paguar ryshfet si
mënyrën më të mirë për të luftuar korrupsionin. Në lidhje me korrupsionin në
shëndetësi, mbi 32% e shqiptarëve të pyetur kanë pohuar se kanë përjetuar
korrupsion për shërbimet shëndetësorë dhe shprehen të pakënaqur nga shërbimet e
marra. Po kështu, Eurostat raportoi ditën e
djeshme se Shqipëria është vendi i dytë më i varfër në Evropë, me të ardhura
për frymë vetëm sa 30 për qind e mesatares së vendeve të Bashkimit Evropian.
Kriza ekonomike ka ndaluar përafrimin e mirëqenies së Shqipërisë me Bashkimin Evropian.
