Ish-deputeti i PD, Ervin Salianji, u ka bërë thirrje qytetarëve të dalin nesër mbrëma në protestë, ndërsa shton se një tjetër kauzë që i bashkohet kësaj protestë është edhe sulmi ndaj Fatos Lubonjës.
Në një reagim publik, Salianji shprehet se “Dënimi i dhunës publikisht nuk është ndëshkimi se me të duhet të merren institucionet por solidariteti i shoqërisë për të parandaluar ngjarje të tilla ndaj kujtdo që mund të ndodhin në të ardhmen!”.
Makutêria dhe mllefi ndaj kujtdo që e shohin si kundërshtar politik nuk ka kufij! Pasi përgjatë gjithë ditës as KM, as Ministri i Brendshëm, asnje përfaqësues politik i rilindjes nuk reagon për të dënuar dhunën ndaj Fatos Lubonjês, aset i rrallë për nië shoqeri si e jona! Dënimi i dhunës publikisht nuk është ndëshkimi se me të duhet të merren institucionet por solidariteti i shoqërisë pêr të parandaluar ngjarje të tilla ndaj kujtdo qê mund të ndodhin në të ardhmen!
Reagimi i polisisë së shtetit që reagon në fund të ditës duke e rrëfyer ngjarjen si përrallë; “….Në tentativë për t’u larguar, shtetasi A.H. Me probleme mendore theu me sende të forta xhamin e një mjeti të parkuar në hyrje të pallatit ku banonte. Agjentët arrestuan 50 vjeçarin, nga Tirana….”
Tani pyetja më normale është; si ka mundësi që gjithë të çmendurit apo ata me probleme mendore për rastësi kërcënojnë vetëm zërat publikë opozitarë?! Edhe të çmendurit përzgjedhin politikisht?! Pse rastësisht makinën e Lubonjës???
Është e sigurt, jo vetëm jemi në regjim por në një regjim të çmendur!
Nesër në orën 20:00 të bashkohemi për të shpëtuar Shqipërinë.
