Braimllari ka reaguar në Facebook duke akuzar qeverinë që arreston qytetarë të pafajshëm, ndërkohë që lë të lirë grabitësit shtetëror në Rinas.
Sekretari i Përgjithshëm i LSI skruan, “Çdo gjë mbahet shënim dhe dita kur nuk do jesh me Ministër është e afërt. Ti dhe Edi Rama keni hesape për të larë me qytetarët e ndershëm të këtij vendi.”
Postimi i plotë:
Edi Rama dhe Sandër Lleshi dhunojnë dhe arrestojnë qytetarë të pafajshëm që protestojnë në të drejtën e tyre dhe lënë të lirë grabitësit shtetëror në Rinas.
Përdorimi i gazit helmues në sasi të madhe në një protestë qytetare është gjenocid.
Sander Lleshi gjen kohë të reagojë për protestat qytetare por nuk ka asnjë fjalë për mungesën e sigurisë në vend, për numrin e lartë të vrasjeve, për grabitjen e Rinasit, për vjedhjen e hapur te Unaza e Re, për dhunën që ushtroi mbi banorët e Bulevardit te Ri duke dhunuar gra, fëmijë e të moshuar.
Kjo është fytyra e vërtetë e një qeverie të degraduar ku po përdoret një “Gjeneral i vdekur” kundër një populli.
Çdo gjë mbahet shënim dhe dita kur nuk do jesh me Ministër është e afërt. Ti dhe Edi Rama keni hesape për të larë me qytetarët e ndershëm të këtij vendi.