Edi Paloka tronditet nga shoqja e tij gazetare: Punoj për Fugën tani, shaj në Facebook

290

Nënkryetari i PD, ish-gazetari Edi Paloka ka rrëfyer historinë e mikeshës së tij që sot punon për zyrën e propagandës së kryeministrit Edi Rama. Paloka thotë se gazetarja dikur ishte pjesë e ekraneve, ndërsa sot paguhet që të shajë nëpër komente opozitën në facebook.

Postimi i Palokës në facebook

Sot takova rastësisht nje miken time që kisha ca kohë pa e parë dhe u ulëm për një kafe.
E pyeta ku ishte “zhdukur” sepse në fakt ishte “zhdukur” dhe nga ekranet e tv ku e shihja ndonjëherë.
U vu në siklet po ma tha: “Punoj për Fugën tani”.
Për Ramen?! – e pyeta , realisht i habitur duke ditur çfarë mendonte për të.
“Rrogë më e mirë, kisha nevojë”- mu përgjigj.
Duke e ditur që dhe ku punonte më parë kishte patur rrogë të mirë, vetëm e imagjinova (pa e pyetur) se sa më mirë duhej të paguhej tani.
Mendova që punonte në stafin e ngushtë të zyrës së shtypit , apo më mirë të propagandës, po jo.
Ishte njëra nga dhjetra profilet fallco që i bëjnë like Ramës dhe na sulmojnë n në rrjetet sociale.
“Qendrën e kemi tek Pallati i Kongreseve”- më tregoi- Jemi shumë, po paga është e mirë – më përsëriti për të justifikuar atë që bënte dhe shtoi duke qeshur:” Ty nuk të kam sharë asnjëherë…”
Ndërkohë që shqiptarët varfërohen çdo ditë e më shumë dhe familje të tëra mezi sigurojnë dhe bukën e gojës, kryebanditi i vendit paguan nga buxheti, (pra nga taksat, nga paratë që na vjel ne të gjithëve) rroga të majme për t’i bërë atij lavde dhe për të sulmuar kundërshtarët në rrjetet sociale…