Gjermani/ Pas viztës në Tiranë të presidentit të shtabit të policisë federale Dieter Roman, nisën arrestimet në mega-operacionin “Vol-Vo4”. Pse baronët e drogës ishin të paprekshëm, lidhja e tyre me politikën dhe zyrtarët, dhe shpresa se së shpejti para drejtësisë do të dalin politikanët e nivelit të lartë që janë përfshirë në trafikun e drogës…
Televizioni gjerman, Deutsche Welle raportoi për valën e arrestimeve në Shqipëri në kuadër të mega-operacionit ‘Vol-Vo 4’. Sipas televizionit, në operacion kanë marrë pjesë mbi 1500 policë. “Për shumë vite me radhë, baronët e drogës në Shqipëri konsideroheshin të paprekshëm. Lidhja e tyre me politikën ishte e ngushtë, ishte e rrezikshme që t’i hetoje ata”, thuhet në artikull. “Deri më tani politikanët apo zyrtarët shtetërore, të cilët thuhej se ishin të përfshirë në çështjet e korrupsionit dhe trafikun e drogës, konsideroheshin të paprekshëm në Shqipëri. Sipas raportit vjetor të Agjencisë së Kombeve të Bashkuara për Drogën dhe Krimin (UNODC) në vitin 2017, bandat shqiptare ishin numri një, për trafikun e heroinës dhe kanabisit dhe numri 3, për trafikun e kanabisit”. “Megjithatë, suksesi i operacioneve policore të kësaj jave ka rritur shpresat se kjo mund të ndryshojë së shpejti dhe se politikanët e nivelit të lartë do të përgjigjen para drejtësisë, nëse janë të përfshirë në trafikun e drogës”. “Ndoshta nuk është rastësi që ky operacion në shkallë të gjerë ndodhi menjëherë pas vizitës së presidentit të shtabit të policisë federale gjermane, Dieter Roman në Tiranë”. “Roman u ka premtuar autoriteteve shqiptare më shumë ndihmë dhe shkëmbim informacioni ndërmjet autoriteteve policore të të dy vendeve, në mënyrë që të luftohet më mirë krimi i organizuar”.
