Qeveria është e vendosur që të prishë teatrin, pavarësisht protestës dhe rezistencës së artistëve dhe qytetarëve. Kjo ka një shpjegim politik, përse qeveria nuk dëgjon zërin e qytetarëve Dr. Ina Zhupa, zëdhënësja Partisë Demokratike pohon se Tirana është shndërruar në një “lavatriçe të pastrimit të parave”.
Dr. Ina Zhupa: Ja si bëhet pastrimi i parave të krimit
Zëdhënësja e PD-së Dr. Ina Zhupa thotë se pjesë e kësaj skeme të pastrimit të parave është edhe projekti për shembjen e godinës së Teatrit Kombëtar, bashkë me 6 kulla. Sipas saj, dyshja Rama-Veliaj po pastrojnë paratë e përfituar në rrugë kriminale siç është trafiku i drogës. Për Zhupën, kjo vihet re tek fakti, se nga viti në vit nuk ka asnjë rritje të marrjes së kredive nga bizneset, dhe se as këto biznese nuk reflektojnë rritje të të ardhurave të tyre, që të mund më pas t’i investojnë në ndërtime në Tiranë. Kjo, thekson Dr. Ina Zhupa, ngre hije të forta dyshimi se nga po vijnë gjithë këto para që po investohen në projekte e kulla në qendër të kryeqytetit. Zëdhënësja e PD-së Dr. Ina Zhupa thotë se projektet e Veliajt dhe Ramës, jo vetëm po përdoren për të pastruar paratë, por shton se edhe Tirana po humbet identitetin e saj me shembjen e një sërë ndërtesash, siç është rasti i Teatrit Kombëtar.
PD-ja afron besim tek qytetarët
Sa i përket situatës brenda PD-së, Zhupa nënvizon se që nga humbja e zgjedhjeve në qershorin e 2017, tashmë situata brenda selisë blu ka ndryshuar, duke mësuar nga gabimet që i shkaktuan rezultatin e vitit të kaluar.
