Dr. Ina Zhupa: Korrupsioni luftohet me transparencë, Rama të bëjë publike kontratat

74

Partia Demokratike i është rikthyer sërish debatit të fotos së
kryeministrit Edi Rama me Presidentin amerikan, Barack Obama, duke i kërkuar të
tregojë se kush i pagoi 80 mijë dollarët. Kjo është një nga pikat e renditura
nga zëdhënësja e PD-së, Ina Zhupa në një deklaratë për mediat, për të cilat i
kërkon kreut të Qeverisë që të bëjë publike kontratat.

Duke u shprehur se korrupsioni luftohet me transparencë, Zhupa tha
se nëse kryeministri Rama është i vendosur për të luftuar këtë fenomen, duhet
ta fillojë nga kontratat e miratuara nga qeveria e tij.

 

“Korrupsioni luftohet duke bërë transparent vendimet dhe
kontratat.

Nëse Edi Rama do vërtetë të luftojë korrupsion, le të bëjë
publike;

Kontratën e tij me Vilma Nushin për check-up

Kontratën e stadiumit Qemal Stafa

Kontratën për hemodializën

Kontratën për laboratorët, për sterilizimin

Kontratën për sheshin “Skënderbej”

Marrëveshjen me kompaninë italiane për mbetjet e Tiranës

Të tregojë pse i marrin gjithë tenderat miqtë e tij, pa garë, me
fondin limit

Të bëjë publike kontratat me firmat për sheshet e qyteteve

Të tregojë kush i pagoi 80 mijë dollarë që ai të bëjë një foto me
Obamën”, u shpreh Zhupa.