Në qytetin e Shkodrës sot është zhvilluar aktiviteti “Ditë e hapur” me temë: Mundësitë për të studiuar jashtë vendit për studentët dhe të rinjtë në Qarkun e Shkodrës.
Në këtë aktivitet ishin të pranishëm, ministri i Jashtëm Ditmir Bushati dhe ambasadori amerikan Donald Lu.
Ministri Bushati tha se këtë investim në dije ta përkthejmë në shërbim për vendin tonë.
“Ne sot u ofrojmë të rinjëve dhe prindërve të njihen me këto programe studimi dhe të përfitojnë bursa falas” tha Bushati.
Synimi i këtij aktiviteti është njohja e studentëve dhe të rinjve të këtij qarku me programet e ndryshme arsimore që ofrohen nga vende të ndryshme dhe procedurat për përfitimin e bursave studimore.