Deputeti socialist Andis Harasani nuk do të jetë më pjesë e grupit parlamentar të Partisë Socialiste.
Kryetari i Partisë Socialiste Edi Rama e bëri të ditur këtë vendim në mbledhjen e grupit duke theksuar se largimi i Harasanit është tërësisht personal.
“Andis Harasani, largimin e tij nga grupi po e bën për arsye tërësisht personale, dhe dua t’ju siguroj dhe juve siç jam dhe vetë se ky largim nga grupi nuk është heqja e mbështetjes nga PS nga ana e Nisit (Andis), sepse Nisi do jetë një mik i të gjithëve ne, por edhe mbështetës i rrugës sonë drejt fitores së zgjedhjeve, unë e mirëkuptoj tërësisht. Nuk e shoh të udhës që të bëjmë krahasime që arsyet personale të prevalojnë”.
