Policia e Shtetit zbuloi dje një skemë të falsifikimit dhe tjetërsimit të 36 hektarëve tokë shtetërore ranishte në zonën bregdetare Spille Kavajë, ndërsa burime të “BalkanWeb” saktësuan se përfitues të këtyre tokave ishin edhe familjarë të afërt të drejtuesve dhe ish-drejtuesve lokalë, të ish-kryetarit të Bashkisë, Elvis Rroshi, të ish-kryetarit të Partisë Socialiste, Gentian Daja, familjarë dhe lidhje fisnore të nënprefektit të Tiranës, Fatos Kaja, si edhe të ish-kryetarit të Komunës Kryevidh, Nezir Leçini.
Ndërsa sot ish-kryeministri Sali Berisha duke publikuar listën e personave që kanë përfituar thotë se ata i kanë ndarë një “llokum” të madh edhe kryeministrit Edi Rama.
