Sipas ish-Kryeministrit Sali Berisha, në procesin për kalimin e reformës, qeveria shqiptare u përpoq me çdo kusht për të kapur institucionet e vendit dhe sistemin e drejtësisë. Për Berishën, opozita shqiptare arriti të përballojë në këtë rrugëtim të gjitha presionet e qeverisë. “Rama përdori miliona euro për të blerë konsensusin. Rama i bëri gropën konsensusit, por ra vetë brenda”-tha Berisha. Ai e cilëson Partinë Demokratike si promotore të reformës teksa shton se nga kalimi i reformës ka fituar edhe Ilir Meta, sepse ishte pro konsensusit për reformën.
