Basha mesazh qytetarëve: ‘Asgjë e keqe s’do ndodhë, opozita nuk trembet e Rama do ikë’

89
PROTESTA E OPOZITES - Kryetari i PD Lulzim Basha, duke folur gjate nje proteste te organizuar nga Partia Demokratike para Parlamentit, ku kane kerkuar doreheqjen e Kryeministrit Edi Rama, pas ngjarjes se Divjakes, ku u bllokua nje avion qe do transportonte droge.

“Shqipëria nuk do digjet dhe opozita nuk do trembet” – ka deklaruar kreu i opozitës së bashkuar, Basha.

Në një status në llogarinë e tij në Facebook, kryedemokrati shkruan se pavarësisht kërcënimeve të Ramës në turin e tij në Shqipëri e pavarësisht arrestimeve, askush nuk trembet nga kërcënimet e tij.

Basha shkruan se fundi i Ramës dhe i veglave të tij qorre në qeveri, prokurori e polici është afër. Në fund kreu i PD-së, shkruan se asgjë e keqe nuk do ndodhë kurse Rama dhe shërbëtorët e tij do ikin.

“Edi Rama ka javë që bredh nëpër Shqipëri duke ngjallur panik e duke kërcënuar sa me djegie të vendit dhe sa me burgosje të të gjithë opozitës. Kam një lajm të keq për të: Shqipëria nuk do digjet dhe opozita nuk trembet.

Këto muaj e fundit Rama ka ndaluar dhe arrestuar qindra qytetarë dhe opozitarë, së fundi drejtuesit e PD së Elbasanit dhe Librazhdit, dhe të gjithë e kanë parë se askush nuk trembet nga kërcënimet dhe veprimet e tij perverse.

Këtë shqiptarët po ja provojnë atij përditë kudo nëpër Shqipëri, të cilën ai tani e viziton nën mbrojtjen e qindra forcave policore, sikur të jetë duke ecur përmes një territori armik dhe jo vendit të tij.

Fundi i tij dhe i veglave të tij qorre në kuvend, qeveri, polici, prokurori është i pashmangshëm!

Ai e di këtë, prandaj është shpërfytyruar dhe po bën atë që bëjnë kriminelët kur rrethohen: po kërcënon se do të shpërthejë bombën e do t’i hedhë të gjithë në erë.

Dua t’u them të gjithë bashkëqytetarëve të mi se duhet të jenë të sigurtë, asgjë e keqe nuk do të ndodhë: Edi Rama do të ikë dhe të vetmit që do të marrë me vete do të jenë mercenarët e tij të korruptuar dhe të lidhur me krimin.” – shkruan Basha në “Facebook”.