Basha ironizon Ramën: Tani mëson amerikanët kë të zgjedhin President

457
Kreu i PD, Lulzim Basha, ka reaguar me ironi me anë të një statusi në Facebook pas deklaratës që kryeministri Rama bëri ndaj kandidatit Republikan për President të SHBA-ve. Basha thotë se Trump nuk është si ai dhe Kokëdhima, që do të pleqërojnë në Vunoi.
“Lideri global ka marrë së fundmi një angazhim mbi të zakonshmen, ka vendosur të mësojë amerikanët si të zgjedhin Presidentin e tyre. Nuk është nga ato pleqërimet me Koçon te lapidari i Vunoit, është një punë që kërkon ta bëjë tani, sa më shpejt. Pasi e ndriti në Shqipëri, duke vendosur krizën dhe varfërinë më të thellë, duke instaluar oligarkinë kriminalo-korruptive, duke konkuruar edhe Trumpin për pasuri personale, pasi shkel çdo ditë ligj dhe kushtetutë, kokoshi ka gati recetën për presidencialet amerikane. Arroganca dhe deliri si rregull e kanë një kufi, por lideri botëror po tregon se për të, këto çrregullime janë të pamata. Amerikanët shpesh e gjejnë një Borat për të kaluar ca orë në ekrane apo kinema. Kësaj radhe regjisorët s’kanë nevojë të lodhen shumë. Personazhi është vetofruar”.
Sigal