Ambasadori Amerikan në vendit tonë, Donald Lu disa ditë më parë bëri një deklaratë të fortë, ku foli për situatën e krimit në Shqipëri.
Ndërsa ditën e sotme, Lu është shprehur se ka dëshirë që të zgjasë qëndrimin e tij si ambasador në vendin tonë.
Lu deklaroi se deri kur të largohet nga Shqipëria, ka shumë punë për të bërë, si dhe shpreson se kërkesa e tij të merret parasysh nga autoritetet amerikane.
Pyetje: Ambasador Lu, në janar ju mbushni tre vjet në Shqipëri. A do të largoheni atëherë?
Përgjigje: Ka qenë një nder i madh për mua dhe familjen time që kemi qenë këtu në Shqipëri në këto dy vite e gjysmë. E kemi shijuar aq shumë mikpritjen shqiptare sa kam kërkuar të qëndroj edhe më gjatë në këtë vend të bukur. Kam në plan të largohem nga Shqipëria në verën e vitit 2018. Deri atëherë, kemi shumë më tepër për të bërë sëbashku.
