Presidenti i Republikës, Sh.T.Z. Ilir Meta, pranoi Letrat Kredenciale nga Ambasadori i ri i Republikës së Afrikës së Jugut në vendin tonë, zoti Shirish Manaklal Soni, me rezidencë në Romë.
Presidenti Meta vlerësoi interesin dhe vullnetin e përbashkët për të inkurajuar dhe intensifikuar marrëdhëniet midis dy vendeve, si në nivel dypalësh ashtu edhe në atë shumëpalësh.
Në mënyrë të veçantë Presidenti Meta nënvizoi nevojën e nxitjes së kontakteve të drejtpërdrejta mes përfaqësuesve të biznesit dhe të identifikimit të fushave me interes për bashkëpunim ekonomik e tregtar.
