TIRANE – Ambasadori i Shteteve të Bashkuara të Amerikës në Tiranë, Aleksandër Arvizu, është pritur këtë të Premte nga Presidenti i Republikës Bujar Nishani. Takimi duket se ka qenë informal mes kreut të shtetit dhe diplomatit amerikan. Ky takim ka zgjatur rreth një orë, por nuk dihet ende se kush ka qenë temë e bisedimeve mes Arvizut dhe Nishanit. Zyra e shtypit e Presidencës, ende nuk ka zbardhur asnjë detaj mbi takimin, ndërsa ai vjen në një moment kur parlamenti bëri fakt të kryer një ditë më parë shkarkimin e Ardian Fullanit si guvernator i Bankës së Shqipërisë.
