Debati mes kryeprokurorit Adriatik Llalla dhe ambasadorit amerikan Donald Lu, ishte kryefjala e ditës sot. I ftuar në emisionin “Opinion”, Lalla ka dalë edhe njëherë kundër Lu, duke u shprehur se ai nuk është një guvernator i Shqipërisë, por një ambasador i një shteti. Kryeprokurori theksoi se Lu nuk mund të sillet si zot i vendit këtu. Ndër të tjera, kryeprokurori Adriatik Llalla tha se ambasadorë të rëndësishëm në vend, i kanë kërkuar atij të arrestojnë zyrtarë të niveleve të larta në vend. Ai tha se ambasadorët i kanë kërkuar arrestimet e zyrtarëve, me emra. Por, kryeprokurori shprehet se nuk mund të kryente asnjë arrestim pa pasur prova. Sipas tij, kërkesat e ambasadorëve janë mbi bazën e opinioneve. “Kam kontakte të vazhdueshme me trupën diplomatike. Prej tyre kërkohet qëndrime të caktuara. Këto ambasadorë kanë përfituar nga fakti i imunitetit. Në zyrën time, ambasadorët më kanë kërkuar arrestimin e zyrtarëve të lartë. Ambasadorët më kanë kërkuar arrestimin e ministrave apo ish ministrash dhe zyrtarë të niveleve të larta”, tha Llalla
