Presidenti Ilir Meta shpreh sot urimet me rastin e 90-vjetorit të lindjes se Kardinal shqiptar Ernest Simoni Troshani, duke kujtuar ne kete dite, kalvarin e vuajtjeve te gjithe klerit shqiptar nen diktaturen komuniste
Postimi i plotë i Presidentit Ilir Meta
“Me rastin e 90-vjetorit të lindjes, i shpreh urimet më të përzemërta Kardinal Ernest Simoni Troshani, simbolit të rezistencës dhe përkushtimit të pashembullt ndaj vlerave njerëzore dhe idealeve kombëtare.
Jetë të gjatë Kardinali ynë, me plot shëndet e mbarësi!
E falënderojmë Zotin, që je mes nesh, si dëshmitar i gjallë i kalvarit të vuajtjeve të klerit shqiptar nën diktaturën totalitare.
Ti për ne je si bariu, që me fjalët dhe veprat, vijon ende të na inkurajosh dhe frymëzosh për të ecur gjithmonë drejt udhës së vlerave shpirtërore, kishtare, njerëzore e kombëtare, për të cilat flijuan jetën shumë klerikë e shqiptarë të ndershëm.
Zoti të bekoftë Ty dhe veprën tëndë të përjetshme, për gjithçka i ke dhënë kombit dhe Kishës!”
