30 qershori, KQZ shpall rezultatin, Zguri: Unë votoj kundër

440
Sigal

Komisioni Qendror i Zgjedhjeve ka miratuar rezultatin përfundimtar për zgjedhjet e 30 qershorit. Në një mbledhje që ka zgjatur vetëm pak minuta, KQZ miratoi me katwr vota pro dhe njw kundër, rezultatin përfundimtar të zgjedhjeve.

Kreu i KQZ-së Klement Zguri nuk votoi pro miratimit të rezultatit.

“Zgjedhjet nuk janë vetëm një moment ligjor por edhe ngjarje politike. Nuk mund t’i ndajmë. Brenda zgjedhjeve përfshihen interesa të ndryshme.

Është një formalitet pasi vendimi i sotëm është shoqëruar paraprakisht me një sërë aktesh të tjera që janë përfundimtare dhe të formës së prerë. Këto zgjedhje janë shoqëruar nga një konflikt i madh politik. Mosmarrëveshjet do vazhdojnë edhe pasi ne të zyrtarizojmë rezultatin.

Konflikti nuk është preokupimi jonë, preokupimi im është se përmes votës sonë kemi dhënë edhe një notë për sjelljen e KQZ-së. Besoj se KQZ ka qenë ndërmjet ligjshmërisë dhe arbitraritetit, për fat të keq në logjikën time KQZ ka zgjedhur të dytën. Vota për këtë proces sigurisht që ngelet votë edhe për punën e KQZ.

Me keqardhje them, e kam të pamundur për shkak të një performance të dobët të KQZ, por ndonjëherë dhe mungesës së dinjitetit të saj, për mua është e pamundur të japë një notë kaluese. Do votoj kundër.

Dua që e gjithë kjo performancë të mos kthehet në standard pune në të ardhmen. Më duhet të them, unë nuk bija dakord me shumicën, me kolegët e mi. Shpresoj shumë që kolegët e mi t’i thërrasin vetëdijes ligjore dhe të reflektojnë”, – u shpreh Klement Zguri.