Intervista e dhënë dje nga Rexhep Qosja, i cili i dilte në mbrojtje Saimir Tahirit, ka shkaktuar polemika të shumta në opinion publik.
Sigurisht që kishte nga ata që e mbështesnin, por shumë ishin kundër deklaratave të tij. Gjatë intervistës, Qosja u shpreh se ‘Saimir Tahirit po i shkelen të drejtat e njeriut’.
Një reagim ka ardhur edhe nga Ylli Dylgjeri, i cili shkruan në Facebook, se ‘Rexhep Qosja nuk është qose…’.
Ja çfarë shkruan Ylli Dylgjeri:
Prof. Rexhep Qosja nuk është qose…
Kur hyri për herë të parë në Shqipëri në kohën e diktaturës, i trembur nga propaganda se do ti ruanin mjekrën komunistët, dialogon me një nga autoritet shqiptare që e priste në kufirin e Hanit të Hotit.
Dialogu:
Autoriteti: Po këtë mjekër pse e mban Rexhep?
Qosja: E mbaj për të mos rënë viktimë e mbiemrit…
Sot, pas më shumë se tre dekadave, mjekra e Profesorit është zbardhur por…po i nxihet fytyra.
