Edhe përzgjedhja e ministrave ka brenda intrigën e Ramës?!

349

Enver Bytyçi

Pse Rama i përzgjodhi këta për në kabinet? Le t’i marrim me emra:

1. Erion Braçe njihet si trazavaç. Rama kuptoi se trazavaçi bënte cubin edhe me ndonjë ministër të mëparshëm për një copë fli në tepsi. Por nuk i dha asnjë copë. I dha detyrën e zëvendëskryeministrit, me qëllim që të mos kish as të drejtë firme, as të drejtë vendimmarrjeje e as të drejtë vote. Të kishte thjesht të drejtën e fjalës. Siç e kam unë e shumëkush tjetër. Si zv. kryeministër Braçe do të bëjë më pak fjalë, se po të pështyjë lart ajo do t’i bjerë në sy, po të pështyjë poshtë do të lagë gjoksin e tij.

2. Ministri i jashtëm u mor nga sorosistët e Kosovës. Ditmiri nuk u bë njësh me Ramën për ta ndarë Kosovën, edhe pse ishte i besuari I tij. I duhej i besuari i Aleksit. E gjeti te i birësuari i Baton Haxhiut. Kur ta pyesin për këtë rast, Rama do të thotë se “Unë jam i pari kryeministër në historinë e Shqipërisë që kam emëruar ministër të Jashtëm një kosovar”! Do mburret pra! Por në fakt nuk e ka emëruar për këtë shkak! Ai deshi një ministër që të ishte në të njëjtën linjë me kryeministrin e Shqipërisë dhe me presidentin e Kosovës që t’ia dhurojnë gati një të tretën e territorit të Kosovës Serbisë së Aleksandër Vuçiqit.

3. Ministrja e infrastrukturës dhe energjetikës është nga Kuçi i Vlorës, nga fshati i dajos së Edi Ramës. Në Kuç ai donte të kalonte pleqërinë bashkë me Koço Kokëdhimën. Por meqë Koçua e la, tani në pleqëri i duhet një kuçiote. Mundësisht e kamur dhe e gjeti!

4. Spiropali është me dy merita, edhe se e shpalli Ramën “Skënderbe”, edhe se grabiti 5 milion euro në dogana. Ramës i duhet një personazh i tillë. Sa më me përvojë në korrupsion e në vjedhjen e taksave të shqiptarëve, aq më shumë karrierë me Edi Ramën! Sipas kësaj devize kryeministri zgjodhi edhe një ministër tjetër, Shalsin. Ai ka thënë se “di të vjedhë”! Dhe kryeministri ka nevojë për profesionistë në hajdutllëk! Sidomos pas gjithë atyre budallallëqeve që bënë Tahiri, Gjiknuri e të tjerë ministra të korruptuar e hajdutë, trafikantë dhe drogaxhinj! Sa për Belinën, nuk ka nevojë për vlerësim. Ka të njëjtat karakteristika si edhe Spiropali e Shalsi!

5. Mbetet Çuçi. Mesa duket Dalina ka shumë pushtet te Rama. Se kur bën dy herë burrin e gruas ministër ka një arsye të fortë. Arsye më të fortë se ish-gruaja nuk mund të gjendet!