Bardhyl Berberi / Politikës shqiptare i mungojnë profesionistët, pse?

79
Ka ardhur koha për të bërë politikë të vërtetë e të mirëfilltë dhe për ta ndërprerë praktikën e një politike servilësh dhe të paaftësh ndaj njëshit. Kjo është karakteristikë e politikanëve shqiptarë, në raport me politikën dhe aktorët politikë të jashtëm. Kështu këta të fundit gjithmonë të parëve po u faturojnë vendime me oferta politike që përmbajnë plane dhe projekte për tu realizuar dhe të cilat politikanët shqiptar po i pranojnë pa asnjë kundërshtim apo rezistence edhe pse disa prej tyre janë të rrezikshme dhe në kundërshtim me interes kombëtare. Dhe çfarë është më e keqe këta pa ndonjë arsyetim logjik pa e pyetur askënd edhe pse e kanë për detyrë ti pyesin qytetarët shqiptar.

 Ky takim politikanësh në kohë fushatash parazgjedhore janë me plot gojën patriot që ju dhimbset çdo pëllëmbë tokë dhe të cilët shumë shpesh promovojnë politika shumë madhore të cilat në realitet nuk mund ta marrin as epitetin e politikave të vogla të një blloku apo një fshati të thellë malor. Pse ndodh kjo? Kjo ndodh për faktin se ne në politikë gjithmonë kemi zgjedhur njerëz të paaftë janë individë anonimë që nuk i njeh pallati ku banojnë të cilët i janë janë futur në politikë aksidentalisht për leverdi personale e jo nuk i kanë njohur askush, të njëjtët nuk kanë dashur që ti njohin as anëtarët e familjeve të tyre më të ngushta, por edhe opinioni më i gjerë nuk ka dashur të dëgjoj aspak për ta. Disa prej tyre janë të paguximshëm, disa të dominuar nga frika e disa të tjerë janë të djallëzuar dhe tendencioz prandaj edhe nuk provojnë aspak që të rezistojnë sepse e dinë se nga kanë ardhur dhe me e keqja është se po mbetën jashtë politikes nuk dinë se ku të shkojnë dhe me se të merren. Për ta politika nuk është pasion për tu shërbyer njerëzve por është kthyer në një mjet për të zhvatur dhe për të bërë para në kurriz të popullit. Në politikë të njëjtët kanë ardhur si askush dhe si të tillë ashtu edhe do të shkojnë. 

Prandaj ka ardhur edhe koha që në politikë të futen njerëz me karakter e me moral si dhe të guximshëm e të fuqishëm e jo ata që gjithmonë u përshtaten situatave të ndryshme apo njerëz oportunistë që i ndryshojnë më shpesh qëndrimet e tyre politike dhe i ndërrojnë flamurët dhe opinionet si t ë thotë i pari i tyre. Politika është veprimtari kolektive e cila orientohet drejt miratimi të vendimeve të rëndësishme, për zgjidhjen e ndonjë problemi apo problemeve të shumta në shtet dhe shoqëri. Ndërsa është rregull që vendimet e sjella edhe të zbatohen sepse janë të detyrueshme për të gjithë anëtarët e një bashkësie. Pra shkurt thënë politika është aktivitet njerëzor dhe shoqëror që përkujdeset për realizimin e qëllimeve politike dhe ekonomike. Por tek ne kur përmendet fjala politikë ajo prodhon forcë, përleshje dhe luftë. Në fund të fundit politika është aktivitet në të cilin zhvillohet luftë e pandërprerë për forcë, prestigj, autoritet dhe dominim. Ndërsa në politikë duhet të dominojnë gjithmonë ata që posedojnë forcë autoritet,mençuri dhe inteligjencë. Elemente që nuk i kanë politikanët shqiptarë.

 Prandaj duke e pasur parasysh këtë fakt në politikë nuk mund të jenë ata që duan të jenë, por ata që mund të jenë në të, në saje të forcës që u mundëson dominim apo edhe ndikim. Ndërsa në politikë janë të suksesshëm dhe efikas vetëm ata që kanë mundësi shkathtësi dhe aftësi, përmes së cilave do të munden dhe arrijnë të ndikojnë mbi proceset dhe ngjarjet politike. Prandaj është shumë e rëndësishme që të bëhet zgjedhja e njerëzve që do t’i udhëheqin dhe realizojnë proceset e rëndësishme politike. Këta duhet të jenë njerëzit që kanë kapacitete në fushën e tyre, që do të investojnë në të ardhmen e një shoqërie në progres. Por çfarë po ndodh tek ne? Ne në vend që të zgjedhim njerëzit që do të investojnë në të ardhmen tonë, por ne zgjedhim gjithmonë ata që po na e vjedhin këtë të ardhme. Partia që është në pushtet PS, duhet të bëjë kujdes me zgjedhjen, sepse sot ka ardhur koha që të gjithëve u kanë lindur dëshirat dhe ambiciet për tu futur në politikë dhe nuk ka mundësi që t’i shoshitim apo të shohim se çfarë morali dhe karakteri kanë këta njerëz. Sepse si qytetarë jemi bërë peng i manipulimeve të subjekteve politike me kandidatët me një të kaluar të dyshimtë apo të kriminalizuar. Këto subjekte fatkeqësisht po propozojnë lloj – lloj njerëzish, të cilët nuk kanë kapacitetin e nevojshëm për të na prirë dhe për të përballuar situatat e ndërlikuara që mund të sjelli një moment i caktuar. Natyrshëm lind pyetja, si do të shpëtojë politika jonë në të dyja krahët nga servilët, të paaftët, të korruptuarit që të mundësoj qeverisje më të mirë dhe më të drejtë në një shtet që do të jetë në shërbim të të gjithë qytetarëve. Prandaj më thoni ju lutem, se a ka ardhur koha për një politikë të vërtetë dhe më të mençur? Por si do të hiqen këta aksidentalët që kanë zënë kolltukët? Vetëm duke ju dhënë mundësinë e zgjedhjeve të dy mandateve pa asnjë përjashtim në të kundërt ne do të ngelemi me këtë teatër të vjetër të PPSH, të cilët kanë ngelur si harpallëkët, që nuk ka darë prej dentist që mund t`i shkuli dhe të shpëtojë politika e ndershme dhe populli…