Një popull që pranoi demokraturë në vend të demokracisë.
Një popull që nuk iu imponua klasës politike për dekomunistizim.
Një popull që iu risekuestrua prona dhe pranoi të quheshin ish-pronarë dhe pronarë të rinj sot marrin një certifikatë pronësie.
Një popull që glorifikon ende ish-diktatorë dhe pasardhës të tyre kanë zaptuar institucione kushtetuese .
Një popull që vuan 1001 padrejtësi e kënaqet me bashkëvuajtësit e vet.
Një popull që reagon më shumë për lajme show bizi e nuk ndjehet kur e shkombëtarizojnë dhe e detyrojnë të largohet nga vendi i tyre.
Një popull që brohoret: “Oh sa mirë me qenë shqiptar!” e nuk reagon kur e sheh se si Shqipëria shkërmoqet çdo ditë nga krimi, korrupsioni, ku liritë dhe të drejtat e njeriut janë vetëm rreshta në kushtetutë, e ku kushtetutë e ligje zbatohen në mënyrë selektive vetëm për kë ka suport.