A e dini se irisi i syrit struktura e rrumbullakët me ngjyrë në syrin tuaj mund të shkëputet? Dukesht shumë e habitshme por, po.
Ky fenomen quhet ndarja e irisit, ose iridodializa, dhe mund të jetë po aq e pakëndshme sa tingëllon kur edhe thuhet me fjalë.
Fotografia e mëposhtme, e postuar në një gazetë angleze, tregon irisin e copëtuar të një pacienti të pafat 48-vjeçar, i cili u godit në sy në një mënyrë aksidentale.
Pas një jave dhimbjesh të forta në sy dhe me një shikim plotësisht të dëmtuar ai shkoi në klinikën e okulistikës, ku një ekzaminim i llambës së fërkimit zbuloi një iridodializë traumatike forma specifike e gjendjes së shkaktuar nga trauma në irisin e syrit.
Irisi i pacientit ishte shkëputur drejtpërsëdrejti në hemisferën e lartë të syrit të tij dhe ishte duke u zhvendosur nga pozicioni normal.
Shkaku më i zakonshëm i irisit që shkëputet vjen nga trauma e goditjeve në fytyrë dhe në sy në veçanti. Raste janë raportuar nga dëmtimet sportive, dëmtime nga kalërimi etj.
Kur kjo ndodh, pacienti nuk mund të saktësojë sasinë e madhe të dritave që shikon. Kjo mund të çojë në komplikime si fotofobia, dhimbja që përjetojmë kur drita është shumë intensive, së bashku me vizionin e dyfishtë dhe shkëlqimin verbues.
Në raste relativisht të lehta, iridodializa menaxhohet me pushim në shtrat, por në raste më të rënda, kirurgjia është e nevojshme për të ripozicionuar irisin.
