Këto dy këngëtare padyshim që do të shpenzojnë kohë së bashku në rrugëtimin e tyre nëpër Britaninë e Madhe për të zbuluar talentin e ardhshëm muzikor. Pasi Rita Ora dhe Cheryl Fernandez do të jenë pjesë e jurisë në spektaklin televiziv “X-Factor”, ato kanë vendosur të njoftohen paraprakisht, para sfidës e cila do i pret.
Këto dy këngëtare të njohura janë parë së bashku duke shkuar në një aheng privat të organizuar nga anëtari tjetër i jurisë së “X-Factor”, transmeton Koha.net, Simon Cowell, i cili ka shtruar darkë për ndër të këtij spektakli, në shtëpinë e tij në Londrën Perendimore.
Ora ka deklaruar që nuk do të ketë rivalëri mes këtyre dy yjeve. Për më tepër ajo thotë që ajo është koncentruar në diçka tjetër, pra në përkrahje të njëra tjetrës gjatë sezonit vijues të “X-Factor”.
