Tatuazhet shpesh herë tregojnë momentet tona më të bukura ose ato më të këqijat të cilat ne i kalojmë gjatë jetës dhe vendosim t’i bëjmë të paharrueshme duke i “gdhendur” përgjithmonë në trupin tonë.
Por jo gjithmonë bëhen për të tilla arsye, ka njerëz të cilët tatuazhet i bëjnë thjesht nga dëshira për të pasur një të tillë në krah, gjoks apo diku tjetër, pra i realizojnë thjesht për “qejfin” e tyre.
Shumica e të dashuruarve zakonisht bëjnë simbole që “personifikojnë” dashurinë e tyre, për shembull një unazë të tatuazhuar, por kujdes edhe pse unazat gjenden zakonisht në gishtërinjtë tonë, tatuazhi i një spangoje të kuqe edhe pse është bërë i famshëm që prej shumë vitesh mbart një histori shumë të lashtë.
Bëhet fjalë për një profeci. “Spangoja e Kuqe e Fatit”, është një profeci e vjetër që beson se Zoti e lidh një spango të kuqe e cila nuk këputet asnjëherë, mes një personi dhe shpirtit binjak të tij/saj.
Prandaj bëni kujdes nëse njihni persona që mbartin një tatuazh të tillë, mos u mundoni të flirtoni me ta apo të dashuroheni sepse e kanë një histori në të shkuarën që zor ta harrojnë.
