E zgjuar, e shkathët dhe e suksesshme Një rrëfim i sinqertë i këngëtares Raimonda Kovaçi, e cila ka lindur në qytetin e Pukës. Ajo e ka nisur aktivitetin muzikor shumë herët, në qendrën kulturore të Pukës e më pas me festivalet e fëmijëve ku spikat me talentin e saj. Tashmë datojnë rreth 15-vite karrierë muzikore dhe suksese të njëpasnjëshme në Zvicër, Austri, Belgjikë etj. Këto e shumë të tjera na rrëfen Monda, edhe pse statusi i saj për momentin është ende single ..
Disa detaje që, ende nuk i dimë… Le ta nisim me vendlindjen tuaj…
Kam lindur në Pukë, aty ku dhe nisi karriera ime si këngëtare
Më tej?
U aktivizova në qendrën kulturorë të qytetit Pukë dhe pjesëmarrëse në festivalet e fëmijëve… Atëherë kërkesa ishte e madhe dhe kishte shumë kontrolle
-Je penduar ndonjëherë që ke zgjedhur rrugën e muzikës?
Asnjëherë, muzika nuk ka qenë një përzgjedhje momentale, nuk jam bërë këngëtare rastësisht. Ajo është një ëndërr që , ka filluar realizimin e saj që në fëmijërinë time.
-Kënga që do të veçoni nga repertori juaj?
‘Dora e nënës’ do të veçoja, është më aktuale pasi i dedikohet nënave shqiptare.
-Beqare, apo e lidhur?
No comment!
-E ke arritur suksesin që ke dëshiruar?
Patjetër. Një këngëtare që nuk arin sukses nuk qëndron në treg.
-Cila është mënyra më e mirë për të nisur një ditë të re?
Ta nisësh me bismilahi, pasi jam shumë fetare.
-Si e përkufizoni veten, me tre fjalë?
E zgjuar, e shkathët dhe e suksesshme.
-Kujt i beson sekretet më të mëdha?
Vetëm Zotit.
-Ku preferon ti bësh pushimet?
Cdo vend ku nuk kam qënë kam dëshirë ta vizitoj, por nga vendet e mia të preferuara është bregdeti shqiptar në përgjithësi.
-Ku e sheh veten Raimonda pas 10-të vitesh?
Nuk e di si ma ka shkruar Zoti fatin, uroj të jëm një nënë e përkryer me shumë fëmijë dhe një artiste e kompletuar
-Momenti më i sikletshëm në jetën tënde artistike?
Nuk më kujtohet ndonjë e tillë, përveçse gjërave të vogla të parëndësishme.
-Ngjyrat që të identifikojnë?
E bardha dhe e kuqja më pëlqejnë shumë
-Vesi që keni më shumë inat tek njerëzit, cili është?
Mosmirënjohja!
Si e mban veten në formë: dietë, palestër…
Ushqim i shëndetshëm, palestër dhe not.
