Foto të rralla të Marilyn Monroe me partnerët

125
Ajo ka patur shumë të dashur gjatë jetës së saj, por vetëm tre martesa, pasi me pjesën tjetër të meshkujve lidhjet zgjasnin shumë pak
Martesa e saj e parë ka qenë në vitin 1942, me marinarin James Dougherty, kur Monroe ishte vetëm 21 vjeç. Martesa zgjati vetëm katër vjet, pasi ikona kishte plane të tjera për jetën e saj, për të ndjekur ëndrrat e Hollywood, ndërsa James nuk bënte pjesë në planet e sekssimbolit. “Martesa ime nuk më ka trishtuar, por as nuk më ka bërë të lumtur.
Ne nuk kishim asgjë për të thënë me njëri-tjetrit”, është shprehur Marilyn për marrëdhënien me marinarin. Martesa e dytë për ikonën do të vinte në vitin 1954, kur ajo u martua me Joe DiMaggio, por kjo martesë zgjati vetëm 9 muaj. Sipas Monroe arsyeja e divorcit kësaj here ishte se Joe ishte shumë indiferent dhe pa humor. Martesa e tretë do të vinte në vitin 1956 me aktorin Arthur Miller, martesa me të cilin zgjati për pesë vjet.
Thuhet se ka qenë pikërisht gjatë marrëdhënies me Arthur, kur Monroe u bë e varur nga droga dhe alkoli që më pas i morën dhe jetën. Në vitin 1961 çifti u nda, pasi Arthur e la Marilyn për një fotografe. Ndërkohë shfletoni galerinë për të parë disa foto të rralla të ikonës së viteve ’50 në marrëdhëniet e saj me ish-bashkëshortët.