Këta kusarë s’do harrohen,
Kurrë as në jetë të jetëve,
Kryeturpi më i madh,
Trafikimi i deputetëve!
Neve dimë që trafikohen,
Vetëm kurvat nëpër skuta,
Ndaj dhe këta deputetë,
Janë burra-prostituta!
Një ditë u mërzit Vangjeli,
Vangjel Tavo natyrisht,
Iku bajga nga PS-ja,
LSI-së ju ngjit në bisht!
Se çfarë pisllëqe ka bërë,
Ai qafir e di vetë,
Se çudia e çudive,
Që është sot në Kabinet!
Sa të jem e sa të rroj,
Do ta kem në bombardim,
Se batakçiu më vodhi,
Gjithë votat e fshatit tim!
Këta burra-prostituta,
Janë turp i njerëzimit,
Si puna e Vangjel Tavos,
Është dhe puna e Shpëtimit!
Ato që i dha PS-ja,
Janë të gjitha harreme,
Vodhi vota socialiste,
I ktheu në vota çame!
Po të rrinte opozitë,
S’kish ç’i thosha unë i ziu,
U bë simbol i pabesie,
Gjersa u lut tek Saliu!
Për të qarë e për të qeshur,
Për të ngrënë veten me dhëmbë,
Deputetët e PS-së,
Mbajnë regjimin në këmbë!
Kur do zgjidhnin Presidentin,
E do qëronin orizin,
Rama nuk duhej të rrinte,
Në një dhomë me Idrizin,
S’mund të rrinte me një burrë,
Që e kishte prerë në besë,
Ai që në Spanjë u njoh,
Si Kolona numër Pesë!
Kaç Islamin e kam sharë,
Jo kot fare natyrisht,
Porse gjer tani me Salën,
Nuk është bërë zyrtarisht!