Të gjithë janë në pritje të spektaklit që do të pushtojë skenën në Super Bowl, sidomos pas konfirmimit se bashkë me Coldplay do të përformojë edhe diva e muzikës amerikane, Beyonce.
Lajmin e ka konfirmuar për “The Associated Press”, sponsori i show-t, Pepsi.
Këngëtarja ka bashkëpunuar me bandën britanike për këngën “Hymn for the Weekend”, e cila është pjesë e albumit të fundit të grupit “A Head Full of Dreams”
Hera e fundit që Beyonce ka marrë pjesë në këtë shfaqje ishte në vitin 2013, bashkë me ish-pjesëtaret e grupit Destiny’s Child, Kelly Rowland dhe Michelle Williams. Ajo ndezi skënën me lëvizjet e saj, superenergjike dhe spektakolare.
“The Super Bowl” do të zhvillohet më 7 shkurt në stadiumin “Santa Clara”, në Kaliforni dhe do të transmetohet drejtpërdrejt në CBS. Pritet që në pushimin e ndeshjes të performojë edhe Bruno Mars, megjithatë lajmi nuk është konfirmuar ende zyrtarisht.
Vitin e kaluar, Super Bowl arriti rekord shikueshmërie me 118 milionë ndjekës, falë interpretimit mbresëlënës të Katy Perry. Bashkë me 31-vjeçaren në skenë kënduan edhe Lenny Kravitz e Missy Elliott.
