Bashkim Koçi promovon librat ‘Tregoj për Prishtën’ dhe ‘Shkëmbi i Sherrit’

663
Sigal

Sot në orën 17:00 në katin e tretë në Pallatin e Kulturës “Aleksandër Moisiu” në Durrës

 Publicisti dhe shkrimtari i njohur Bashkim Koçi, promovon sot në qytetin bregdetar të Durrësit dy librat e tij të fundit, përkatësisht ‘Tregoj për Prishtën’ dhe ‘Shkëmbi i Sherrit’. Sipas njoftimit, aktiviteti do të zhvillohet sot më datë 16 dhjetor 2014, ora 17:00 në sallën e katit të tretë të Pallatit të Kulturës ‘Aleksandër Moisiu’ të qytetit bregdetar të Durrësit. Në këtë takim, pritet të jenë të pranishëm kolegë e  bashkëqytetarë të autorit, krijues vendas, miq e kolegë që do të udhëtojnë drejt Durrësit enkas për këtë qëllim, etj…

Takimi promovues organizohet Shoqata ‘Tomori’, dega Durrës, anëtarë të shumë të së cilës do të jenë në promovimin e dy librave të autorit Bashkim Koçi.

Autori Bashkim Koçi është një emër i njohur në publicistikën shqiptare, njeri me përvojë të gjatë në gazetarinë e shkruar dhe në jetën shoqërore. Është autor i shumë artikujve publicistikë, problemorë, informacioneve shumë planëshe, si dhe i disa librave. Dy librat e fundit që promovohen sot në Durrës jo vetëm spikasin për nivel profesional, por shënojnë dhe një arritje të re në krijimtarinë e autorit. Në librin ‘Shkëmbi i Sherrit’, mes shumë materialeve të tjera, intervistave, portreteve, përshkrimeve, skicave të ndryshme, ndodhet dhe një intervistë e gjatë e ikonës së letërsisë shqiptare Dritero Agolli lidhur me njohjet dhe lidhjet e tij me Skraparin dhe skraparllinjtë.