Aktorja shqiptare Almeda Abazi është komentuar në media rreth operacioneve plastike, të cilat i ka mohuar gjithnjë.
Por mesa duket edhe bashkëshorti i saj aktori Tolgahan Sayisman është lodhur nga të gjithë këto spekulime mediatike.
Aktori është shprehur mjaft ashpër ndaj këtyre lajmeve duke thënë që nuk kanë pse e krahasojnë Almedën në ditët e sotme me Almedën në moshën 15-vjeçare.
“Ka bërë vetëm dy ndërhyrje në hundë, por nuk ka pasur asnjë ndërhyrje tjetër. Habitem se si bëhen çështje dite disa foto të moshës 15 vjeçare”,-u shpreh Tolga.
Gjithashtu ai theksoi se këto ndërhyrje më tepër janë bërë për arsye shëndetësore sesa estetike.
