E bukur, e talentuar dhe inteligjente. Tri veçori që përmblidhen tek këngëtarja shkodrane, Barbana Dini. Motorët e karrierës së saj u ndezën me pjesëmarrjen në Festivalin e Këngës në RTSH në 2004, pas pjesëmarrjes në “Ethet e së Premtes”. Ka shkëlqyer si aktore në filmin “Fluturim pasioni” me regji të Arian Çuliqit, nën ekskluzivitetin e RTVSH. I ati, një shkrimtar mjaft i vlerësuar. I vëllai, kantautor mjaft unik në skenën shqiptare. Më shumë për “Telegraf”, na flet vetë Barbana…
Barbana, përshëndetje! I mungon ekraneve shqiptare. Pse ky pushim?
Kam “munguar” disi në ekrane, pasi jeta ime profesionale është komportuar në intepretimin “live”. Intensiteti i koncerteve dhe angazhimeve të suksesshme nuk më ka bërë ta ndjej aq të nevojshëm marketingun televiziv nëpërmjet videoklipeve, por kjo s’do të thotë që në të ardhmen e afërt të mos ndodhë diçka e tillë.
Mbrëmjeve live nuk iu ndahesh! Përveçse të ndihmojnë të jesh pranë me publikun tënd, a janë dhe një shkollë e mirë muzike për ty, për të mbajtur zërin në formë?
Patjetër që po. Muzika “live” është formimi im profesional. Edukatën e të kënduarit e kam fituar që në moshë të vogël në shkollën e festivaleve ndërkombëtare apo të atij për fëmijë në Shkodër. Të mos dish të këndosh “live” do të thotë të mos jesh këngëtare!
Vëllai yt, Ergi, dallon në muzikën shqiptare me stilin e tij unik. I bëni kritika njëri-tjetrit rreth projekteve tuaja?
Çfarë kritike pozitive apo negative ke ti për këngëtarët sot në Shqipëri?
E vetmja gjë që mund të them është se këtu, këngëtar mund të bëhet kushdo që s’di të këndojë, mjafton të ketë mbështetjen financiare.
Kënga jote e preferuar në repertorin tënd, për të cilën ndihesh krenare që “i ke vënë vulën”?
Klajd Heta