Vrau punonjësin e karburantit në Sarandë, dënohet me 35 vite burg Arqile Koçi

439
Arqile Koçi, vrasësi i punonjësit të karburantit në Sarandë më 6 nëntor të vitit 2016, ka dalë sot para gjykatës e cila e ka dënuar me 35 vite burg.
Ashtu si edhe më herët, 27-vjeçari ka mbajtur të njëjtin qëndrim para togave të zeza duke u shprehur se nuk donte ta vriste Artan Hoxhën, por vetëm të merrte paratë që ndodheshin në kasën e karburantit.
Sipas Koçit ai ishte frikësuar kur viktima 44-vjeçar lëvizi në drejtim të tij dhe për këtë arsye shkrepi në mënyrë të pavullnetshme armën.
Autori, një përdorues droge, është shprehur se nuk ka patur konflikte të mëparshme me viktimën dhe synimi i tij ka qenë grabitja e parave.
Arqile Koçi shkoi në piken e karburantit rreth orës 4 të mëngjesit të së dielës së 6 nëntorit 2016, dhe nën kërcënimin e një arme gjahu ai u kërkoi punëtorëve paratë e xhiros.
Por gjatë kësaj kohe Artan Hoxha ka lëvizur nga karrigia ku ishte ulur dhe 27-vjeçari e qëlloi me çifte. Me pas ai hyn në dhomën ku ndodhej kasa dhe merr nga aty 60 mijë lekë të reja, duke u larguar më pas me motor.
Sigal