Vrau fqinjin me kosën e barit, Gjykata lë në burg Asti Micin

Gjykata e Shkallës së Parë në Durrës ka dhënë masën e sigurisë ‘arrest në burg’ për shtetasin Asti Mici 57 vjeç, pasi akuzohet se ka vrarë me kosën e barit fqinjit e tij Ludovik Lala 52 vjeç. Autori i dyshuar ka pranuar krimin dhe u shfaq i penduar në seancën gjyqësore.

Ngjarja ka ndodhur rreth 4 ditë më parë në fshatin Jubë të Sukthit, kur shtetasi Asti Mici 57 vjeç, për motive të dobëta ka goditur në pjesën e sipërme të këmbës 52-vjeçarin Ludovik Lala, i cili vdiq në spitalin e Durrësit.

Mësohet se viktima Ludovik Lala dhe autori Asti Mici ishin komshinj me njeri-tjetrin dhe kishin konflikte të vazhdueshme me motive pronësie.

Sherri ka nisur për një zetor uji që viktima e kishte lënë në anë të lumit Erzen dhe kjo ka ngjallur pakënaqësi tek autori 57-vjeçar Asti Mici.