Tre persona, mes tyre një i mitur, kanë rënë në prangat e policisë për veprën penale të vjedhjes.
Të arrestuarit akuzohen për tre raste vjedhjesh brenda janarit të këtij viti në Berat. Shënjestër e tyre ishin veglat e punës.
Sipas policisë, janë arrestuar
-E.L, 16 vjeç, banues në lagjen Uznovë, Berat, (i dënuar më parë, për kultivim i lëndëve narkotike, vjedhje dhe mbajtje pa leje e municioneve luftarake).
-Sajmon Komaraku, 31 vjeç, banues në lagjen Uznovë, Berat.
-Aurel Etemaj, 33 vjeç, banues në lagjen Uznovë, Berat, (i dënuar më parë për veprën penale Vjedhja).
Rastet për të cilat akuzohen
-Më datë 22.01.2018, në banesën e shtetasit Z.Xh, dyshohet se kanë vjedhur një troko dhe një televizor.
-Më datë 18.01.2018, në magazinën e shtetasit Y.B, dyshohet se kanë vjedhur dy troko.
-Gjithashtu në cilësinë e provës materiale u sekuestruan dhe materialet e vjedhura në banesën e shtetasit A.D, ngjarje kjo e ndodhur në datë 04.01.2018, ku si autorë i dyshuar u ndalua shtetasi E.L, i cili më pas u la i lirë nga Gjykata e Rrethit Gjyqësor Berat.
Materialet i kaluan Prokurorisë së Rrethit Gjyqësor Berat për veprën penale “Vjedhje, e kryer në bashkëpunim”.
