VIDEO/ Pallati drejt shembjes, revolta e banores: Vetëm blejnë vota, më mirë të vdisja, se …

125
Që prej mbrëmjes së djeshme një pallat në Gjirokastër rrezikon shembjen për shkak të rrëshqitjeve të dheut.
Një pjesë e mirë e kateve të para janë tashmë të bllokuara nga sasia e madhe e dheut të rënë, ndërsa në rrezik ndodhen edhe tre banesa private që gjenden sipër rrugës ku kanë nisur shkarjet. 
Pallati që rrezikon rënien është 8-katësh dhe ndodhet në lagjen “Kodra e Shtufit”. Ndërkohë njëra nga banoret tregon ekskluzivisht për ‘Fax News’ pamjet e tmerrit nga banesa e saj. Dheu ka pushtuar të gjitha orenditë, ndërsa janë shembur edhe dritaret e banesës.
Ajo apelon po ashtu për politikanët që shkojnë vetëm të blejnë votat. 
‘Vetëm blejnë vota, ku shkojnë këta të mëdhenjtë. Jetohet këtu, murin e ka zënë mali.
Fjalë të bukura plot dëgjojmë. Ishin në gjumë, nuk e di. Shkatërruan çdo gjë. Më vrau me kokë e me këmbë, më iku truri, më mirë të më kish vdekur brenda’, shprehet mes dhimbjes banorja.