Një aksident i rëndë ka ndodhur ditën e sotme në Pogradec ku është aksidentuar nga një makinë një 68 vjeçar i cili ka qenë me biçikletë.
Si pasojë e aksidentit ai ka ndërruar jetë në spitalin e Traumës në Tiranë.
Për këtë incident është arrestuar një 25-vjeçar banues në Tiranë.
Pogradec
Në vijim të informacionit paraprak datë 15.12.2019, i cili bën fjalë për një aksident rrugor të ndodhur në hyrje të qytetit të Pogradecit, informojmë se specialistët e Sektorit për Policinë Rrugore, bënë arrestimin në flagrancë të shtetasit:
R.A., 25 vjeç, banues në Laprakë, Tiranë.
Shtetasi i mësipërm, duke drejtuar mjetin tip “Volksëagen” ka aksidentuar shtetasin B.Xh., 68 vjeç, banues në fshatin Vërdovë, Pogradec, që po lëvizte në rrugë me biçikletë, i cili pas trajtimit në Spitalin e Pogradecit është dërguar për mjekim të specializuar në Spitalin e Traumës Tiranë, ku ka ndërruar jetë.
Materialet i kaluan Prokurorisë pranë Gjykatës së Shkallës së Parë Pogradec për veprën penale “Shkelja e rregullave të qarkullimit rrugor”.
