Një ngjarje e rëndë ka ndodhur këtë pasdite të mërkure në Tiranë, një djalë i ri në moshë është mbytur në lumin e Brarit.
Ngjarja ka ndodhur rreth orës 18:15 të pasdites raporton policia, e cila ka identifikuar 19 vjeçarin e vdekur të quajtur Renaldo Ymeri.
I riu po peshkonte së bashku me dy vëllezërit e tij në momentin kur rrjedha e lumit e ka marrë me vete.
Njoftimi i policisë
Tiranë
Informacion Paraprak
Më datë 25.07.2018, rreth orës 18:15, shtetasi R. Y., 19 vjeç, gjatë kohës që ka qenë duke peshkuar së bashku me dy vëllezërit e tij, në lumin e “Brarit”, është marrë nga rrjedha e ujit të lumit ku për pasojë dhe është mbytur.
Në vendngjarje janë shërbimet e Policisë, si dhe janë njoftuar Polumbarët e Reneas për gjetjen e trupit.
