Lihen në burg shqiptari i arrestuar në flagrancë në makinën Mitsubishu me 460 kilogramë drogë dhe piloti italian i avionit të bllokuar në zonën e Divjakës për akuzën e trafikikut të drogës në bashkëpunim.
35-vjeçari Saimir bajrami dhe 67-vjeçari Giorgio Riformato kanë dalë para togave të zeza në Gjykatën e Krimeve të Rënda në seanca të veçanta për tu njohur me masën e sigurië. Gjykatësi Idriz Milkurti dha masën e sigurisë” rrest me burg” për dy të akuzuarit, ndërsa seanca ndaj pilotit u ndoqnga përfaqësues të ambasadës italiane në Shqipëri.
Në fakt është i pakuptueshëm fakti se përse gjykatësi ka zgjedhur të lejojë mediat të filmojnë vetëm fillimin e seancës ndaj trafikantit shqiptar dhe më pas vijimin e saj me dyer të mbyllura, ndërsa në seancën e dytë të zhvilluar ndaj pilotit italian mediat nuk u lejuan të filmojnë, kur të dy të arrestuarit janë vënë përballë të njëjtës akuzë.
Bajrami ka deklaruar para Gjykatës së është ndërtues dhe se nuk ka qenë i dënuar më parë, ndërsa Riformato mësohet se nuk i ka pranuar akuzat e ngritura ndaj tij. Bajrami ka mbajtur qëndrimin e njëjtë dhënë para oficerëve se ngarkesa e drogës do t’i jepej pilotit Riformato për të bërë trafikimin e lëndës narkotike në shtetin fqinj.
Vendimi për zhvillimin e seancës të martën në mëngjes është vendosur nga administrata e Gjykatës së Krimeve të Rënda pas kërkesës për vlerësim të arrestit dhe vendosjen e masës shtrënguese “arrest me burg” bërë nga Prokuroria e Krimeve të Rënda. Seanca drejtohet nga gjykatësi Idriz Milkurti, ndërsa akuza përfaqësohet nga prokurorja Dolorez Musabelli.
Sajmir Bajarami ka pranuar para hetuesve se droga do të ngarkohej në avion për tu transportuar drejt shtetit fqinj, dhe se piloti italian do të merrte 27 mijë euro, shumë e sekuestruar nga policia gjatë operacionit të së shtunës. Por nga ana tjetër, vetë piloti italian, Giorgio Riformato nuk ka pranuar asnjë nga akuzat. Sipas tij ai është gjendur në Shqipëri si turist për të vizituar bregdetin shqiptar.
Riformato është ngritur në fluturim nga Rinasi në orën 13:56 të së shtunës, dhe sipas tij do të kryente një eksplorim të bregdetit shqiptar nga ajri, dhe më tej do të nisej drejt Italisë. Por shkëputja për rreth 20 minuta me Kullën e Vrojtimit, ka shënuar dhe momentin e rënies së avionit në zonën e Divjakës në orën 14:40. Sipas piltotit italian ulja ka qenë e detyrueshme për shkak të një avarie.
Giorgio Riformato ka qenë i akuzuar në vendin e tij për mashtrim sepse nuk kishte leje për kompaninë ajrore që ai zotëronte. 67 vjeçari ka qenë në process gjyqësor në vitin 2013 i denoncuar si titular i një shkolle pilotimi, për të cilën nuk kishte leje. Studentët e kanë denoncuar se u merrte 1500-1700 euro për një fluturim, të cilat Riformato i justifikonte si shpenzime për karburante. Piloti italian sipas drejtësisë së shtetit fqinj Riformato kishte marrë vetëm leje për fluturime turistike dhe se s’ksihte marrë asnjëherë certifikatën për operator avionësh dhe licencë për ushtrim aktiviteti.
Tashmë hetimi i kësa dosje është në dinamikë të vazhdueshme pasi, verifikime janë duke u kryer dhe në zonën e Krujës, aty ku Saimir Bajrami ka treguar se kishte blerë lëndë narkotike në shumën prej 56 mijë euro.
