Gjatë kontrollit të territorit, policia ka gjetur në fshatin Kalivaç të Tepelenës një parcelë me bimë narkotike. Bëhet fjalë për 10.120 bimë narkotike të llojit Cannabis Sattiva. Bimët narkotike u asgjesuan në vend me anë të djegies, ku një pjesë e tyre u sekuestruan në cilësinë e provës materiale. Po punohet për identifikimin dhe kapjen e autorëve, thotë policia. Tepelena duket se ka marrë “drejtimin” e kanabisit pas aksionit të Lazaratit. Me dhjetëra ha me drogë janë gjetur në fshatrat e Tepelenës.
