Tentojnë të ikin nga Shqipëria me dokumenta falso, arrestohen 3 persona në Morinë

Policia Kufitare e Morinës njoftoi se ka arrestuar dy persona që tentuan të kalojnë kufirin me dokumenta të falsifikuara. Më pas, u arrestua dhe një i tretë, që u afroi ndihmë për kalimin e paligjshëm të kufirit.

Policia e Shtetit njoftoi se më datë 04.12.2017, specialistët e Policisë Kufitare Morinë, arrestuan në flagrancë shtetasit:

-B. K., 37 vjeç , banues në Durrës.

- B.O., 15 vjeç, banues në Kukës.

- R.K, 22 vjeç, banues në Kukës.

Arrestimi i shtetasve B.K, dhe B.O., u bë pasi kanë tentuar të kalojnë nëpërmjet PKK Morinë, me dokumente të falsifikuara.

Ndërsa arrestimi i shtetasit R. K., u bë pasi ka tentuar të ndihmojë shtetasit e lartëpërmendur të kalojnë në mënyrë të jashtëligjshme kufirin, duke paraqitur dokumente të falsifikuara.

Materialet i kaluan për veprime të mëtejshme Prokurorisë së Rrethit Gjyqësor Kukës, për veprat penale "Falsifikim i letërnjoftimeve” dhe "Ndihma për kalim të paligjshëm të kufijve" , parashikuar nga nenet 189 dhe 298 të Kodit Penal.