Një 21-vjeçar shqiptar është arrestuar në Itali me akuzën e aksidentit me pasojë vdekjen, shkaktuar nën ndikimin e alkoolit. Sipas “Tgcom”, në aksidentin që ndodhi të mërkurën vonë në Sirmione, në provincën e Brescia, kanë humbur jetën dy persona, një grua 37 vjeçare dhe një fëmijë i mitur dhjetë vjeçar. Gruaja, nga Puglia, dhe fëmija vdiq në makinën tjetër të aksidentuar. Ajo ishte në automjet e shoqëruar edhe nga një grua tjetër (që është nëna e fëmijës së vdekur). Në makinë ishin edhe dy fëmijë të tjerë (bijtë e viktimës), të gjithë banorë të Sirmione. Të mbijetuarit janë dërguar në spital për ndihmë mjekësore dhe ndodhen jashtë rrezikut për jetën. Shqiptari që shkaktoi aksidentin po udhëtonte nga Brescia për në Verona.