TIRANË- 33 persona rrezikuan të digjeshin të gjallë brenda ambienteve të lokalit të fshatit Beragozhd, pak kilometra larg Pogradecit, kur shpërtheu bombola e gazit e cila përdorej për ngrohje.
Dy pacintë nga Korça transportohen me helikopter drejt QSUT. Gjendja e dy pacintëve që ndodheshin në spitalin e Korçës pas plagosjes me bombol gazi, është përkeqësuar. Ata janë transportuar sot me urgjencë drejt QSUT-së, me helikopter. Kështu në pavionin e djegieve në QSUT bëhen 25 pacientë.
Shefi i pavionit të djegieve: Më rëndë një 14 vjecar, nuk rekomandojmë transport jashtë vendit
Shefi i pavionit të djegieve në QSUT, deklaroi se po bëhet gjithçka për trajtimin e personave të plagosur mbrëmë në Beragozhd të Pogradecit, pas shpërthimit të një bombole gazi në lokal.
Shpërthimi i gazit, arrestohet pronari i lokalit
Policia e Pogradecit ka arrestuar mëngjesin e sotëm pronarin e lokalit ku ndodhi shpërthimi, mbi të cilin rëndon akuza “Për plagosje të rëndë nga pakujdesia” dhe për “Për shkelje të rregullave për lendët plasëse”. Ai është Romario Muçka, 20 vjeç.